Да святога Iаана Кармянскага (паэма). 8. Вяртанне

8. МАЦI БОЖАЯ, БЛАГАСЛАВI!
(Вяртанне)


Кожны дзень, нібы верш, —
нанова
Адкрываю Святое Слова.
Сцвердзіць нам Яго ў жыцці —
Маці Божая, благаславі.


Хай усе клопаты і ўчынкі
Не затуляць, як аблачынкі,
Прамянёў Найсвяцейшай Любві —
Маці Божая, благаславі.


Цела — Хлеб, і вада — жывая
Душы грэшныя ажыўляюць.
Прычашчэння Святой Крыві —
Маці Божая, благаславі.


Ацалі нашы душы, Царыца,
Бо самім ад грахоў не пазбыцца.
Уладарка Нябёс і зямлі,
Маці Божая — благаславі!

1999–2001 гг., Гомель–Мінск–Гродна

(верш на беларускай мове)

Другие произведения автора:

Памяцi Мамы. 2. Хто дасць мне крылы?

Да святога Iаана Кармянскага (паэма). 3. У храме

Да святога Iаана Кармянскага (паэма). 6. Агародня