БЭЛЭХТЭЭ ЭН МИЭХЭ КҮӨХ ТҮҮНҮ

"ПОДАРИ МНЕ НОЧЬ ЛЮБВИ" - слова Василия Полятинского, "БЭЛЭХТЭЭ ЭН МИЭХЭ КҮӨХ ТҮҮНҮ" - поэтический перевод Ольги Софроновой - Суһум, мелодия и исполнение Николая Протопопова.

БЭЛЭХТЭЭ ТАПТАЛ ТYYНYН

https://youtu.be/LCR6BgHV9Yg

БЭЛЭХТЭЭ ЭН МИЭХЭ КҮӨХ ТҮҮНҮ

Бэлэхтээ, эн миэхэ сэгэриэм,

Имэҥнээх уоҕунан күүскэтик

Аньыыга-хараҕа умньаммыт

Итирдэр ол аптаах күөх түүнү.

Минньигэс мүөтүнэн илгийэр

Уоскуттан мин уулла ууруохпун,

Алыптаах тапталыҥ былааһар

Бүтүннүү бэринэн ылыахпын.

Күннэйим, көмүһүм, мин күнүм,

Олоҕум, иэйиилээх мин кутум,

Мин дьолум уйаҕас сипсиэрэ,

Муусука абылаҥ дорҕооно.

Ууруохпун баҕардым эйигин,

Умсулҕан иэйиилээх хараххын,

Эн миигин кууһаргар иһийэн

Сирдээҕи дьолунан туолуохпун.

Ольга Софронова - Суһум тылбааһа

Ньурба куорат, 26.10.21

© Свидетельство о публикации №121102605614