Агародня-Карма

“АГАРОДНЯ – КАРМА”


(нізка вершаў)

+

Месцу былога Свята-Нікольскага храма


Маўчаць званы.
Ніжэй травы –
зямля.
У зямлі, бы зерне,
спіць душа мая.


+

Ю.


Не з дошкі крыж –
Ён і з крыві, і з цела.
Няўжо ж, душа,
Ты гэткага хацела?..


+

Дарога Агародня-Карма


Плывуць аблокі
вечным шляхам.
Дзе на зямлі
прытулак птаху?


+

Калоссе ліецца,
Птах над нівай.
Хай песня выспее шчаслівай.


+

Добрае слова – жывою вадой
з вуснаў ліецца.
І – сунімае смутак і боль.
Чым ты, душа, адзавешся?


+

Любоўю – за любоў?
Гасподзень Крыж
ці зможаш несці?
Што ж, душа, маўчыш?


06.12.2001 г., Мінск

(вершы на беларускай мове)

Другие произведения автора:

Звыкнешся з гэтым жыццём...

Толькi дрэвы, лiсты i краскi...

Каложа. 1. Божа, прымi — такую...